Kina mendon se pandemia e Kovid-19 ka filluar në Itali..

Kina përdor studim të ri për përhapjen e hershme, të fshehtë të koronavirusit në Itali që ta sjellë në pikëpyetje supozimin se vendi aziatik është vendi i origjinës së pandemisë.
Persona zyrtarë në Pekin insistojnë për një studim të ri i cili sugjeron se infektimi ndoshta është përhapur në mjedis evropian që në shtator – tre muaj para se të konfirmohet se përhapet në epiqendrën e supozuar gjatë kohë në qytetin kinez Vuhan, transmeton “Tajmsi” londinez.

Shteti aziatik paraprakisht e ka pyetur Spanjën për origjinën e pandemisë, si dhe ushtrinë amerikane, duke pohuar se e ka sjellë virusin në Vuhan në tetor të vitit të kaluar gjatë Lojërave Ushtarake Botërore, theksohet në raport.

Mediat shtetërore kineze tani i japin përparësi idesë se studimi i ri i Institutit Kombëtar Italian për Kancer dëshmon se infektimi me siguri ka filluar në Itali, e jo në Kinë, thekson gazeta britanike.

“Edhe një herë tregon se kërkimi pas burimit të virusit është një çështje e ndërlikuar shkencore që duhet t’u lihet shkencëtarëve”, deklaroi zëdhënësi i Ministrisë kineze të Punëve të Jashtme, Çao Lixhijan.

Organizata Botërore e Shëndetësisë pranoi se është e mundur që virusi “të ketë qarkulluar qetë në një vend tjetër” para se të zbulohet në Vuhan.

Megjothatë, shumë shkencëtarë janë skeptikë lidhur me rezultatet e studimit italian, ndërsa të tjerë vënë në dukje se nuk përjashtohet mundësia se koronavirusi e ka origjinën nga Kina.

“E dimë se Kina e shtyu publikimin e epidemisë së saj, dhe për këtë nuk duhet kur ka filluar këtu, ndërsa Kina ka shumë lidhje të forta tregtare me Italinë Veriore”, deklaroi Xhovani Apolone nga Instituti Kombëtar për Kancer në Milano për “Tajmsin”.

/tv21