Alfred Cako: Dua të hyj tek Infektivi pa maskë!
Konspiracionisti Alfred Cako, dëshiron të hyjë në spitalin e Infektivit për të intervistuar pacientët e Infektuar. Ai shprehet i gatshëm të futet në ambientet e spitalit pa maskë, pasi beson se qëllimi i kësaj pandemie, është pakësimi i popullsisë.
“Këta kanë dhënë me qëllim mjekime të gabuara sepse qëllimi i këtyre është vdekja e njerëzve pakësimi i popullsisë dhe nuk është qëllimi i këtyre shërimi i njerëzve. Unë e kam thënë edhe më parë nëpërmjet rrjeteve sociale.
Të futem unë tek Infektivi me shoqërinë “NOVAX”, të hymë tre katër persona, të hy sa herë të dua unë dhe të marr njerëzit intervistë, pse nuk ua lënë telefonat celularë? Përse hidhen njerëzit të vrasin veten? Më ka bërë një sfidë Silva Bino në rrjete sociale do të lëmë shumë shpejt të hysh, por nga ajo herë janë tërhequr.
T’i bëj edhe një sfidë kryeministrit i cili thotë mos dëgjoni këta konspiracionistët”, tha Cako.
/ts
