Daut Haradinaj: Ramushi i duhur për president..
Shefi i grupit parlamentar të AAK-së, Daut Haradinaj, deklaroi se nuk sheh opsion tjetër për postin e presidentit përveç vëllait të tij dhe njëkohësisht kreut të partisë Ramush Haradinaj.
“Ne e kemi bërë një opsion dhe që besojmë se është i mirë. Kemi vlerësuar se president duhet të jetë një burrështetas, siç ishte rasti për formimin e ushtrisë. Presidenti duhet të garantojë sovranitetin dhe integritetin territorial të shtetit”, theksoi Daut Haradinaj, në RTV21.
Ai tutje tha se kur është në pyetje shteti, AAK-ja nuk i ka shikuar interesat partiake, andaj Ramush Haradinaj paraqet një figurë unifikuese.
Ai gjithashtu tregoi se a e ka kandidatura e Ramushit përkrahjen e partive të tjera politike.
“Jemi në bashkëpunim me partitë e tjera. Duhet të jenë 80 deputetë për ta votuar dhe jemi duke biseduar me të gjitha partitë politike në Kosovë”, u shpreh tutje.
Ai bëri të ditur gjithashtu se e ka marrë mbështetjen e një numri të konsiderueshëm deputetësh dhe se, siç tha ai, PDK-ja ia ka borxh votën për postin e presidentit.
/koha
