Zvicër: Masat kundër pandemisë, po japin efektin e tyre
![Zvicër: Masat kundër pandemisë, po japin efektin e tyre](https://kercova.net/wp-content/uploads/2020/08/zvicra.jpg)
Stabilizimi i situatës dhe numri i rasteve në rënie, kanë ardhur si rezultat i masave të ndërmarra disa javë më parë. Kështu ka thënë përgjegjësja për sëmundjet infektive në BAG, Virginie Masserey në konferencën e djeshme për shtyp në Bernë, njofton srf.ch.
Më tutje ajo, për të siguruar funksionimin e mirë të masave ka sugjeruar: takoni më pak njerëz, vini maska, mbani distancën, respektoni rregullat e higjienës.
Imuniteti i tufës ende nuk luan një rol në këtë rënie të numrit të rasteve, është shprehur ajo.
Situata mbetet e tensionuar përkundër rënies së numrit të rasteve, transmeton albinfo.ch. Numri i shtrimeve në spital dhe transferimet në njësitë e kujdesit intensiv janë ende të larta. “Ne jemi akoma në një nivel të lartë të vdekjeve nga virusi. Kemi të bëjmë me një sëmundje të rëndë”.
Pyetjes për numrin e madh të vdekjeve, Masseray i është përgjigjur: Zvicra ka shumë raste të infektimit, prandaj shkalla e vdekjeve është e lartë.
/albinfo