Kërçova Dr. Berat Sejdini krenaria e qytetit tonë

Mjekët dhe punëtorët mjekësorë -heronjtë e ditëve të sotme!
Çdo histori ka heronjtë saj. Edhe në luftën me koronavirusin, nuk kishte si të ndodhte ndryshe… Ardhja e paftuar e Covid-19 po provon një herë më shumë gatishmërinë, vetëmohimin dhe sakrificën e njerëzve që ia kushtuan jetën një shoqërie të shëndetshme – pra mjekët dhe punëtorët mjekësorë.

Ata kanë qenë gjithnjë aty në frontin e parë të betejave të përditshme, me dhimbjen se sot nuk mundi të shpëtonte një jetë, por me forcën dhe shpresën se nesër gjërat do të jenë më mirë.

Ata janë edhe sot aty ku asnjë person i zemrës s’mund të të qëndrojë pranë, aty ku ne sot i besojmë jetën e të shtrenjtëve tanë, në duart e heronjve, në duart e mjekëve që nuk kanë reshtur së përqafuari si fëmijën e vogël, po ashtu edhe të moshuarin, si vdekjen, po ashtu edhe jetën.

Kërçova mund të krenohet me mjekët dhe pnëtorët mjekësorë në Kërçovë dhe posaçërisht në Shkup. Të gjithë shquhen për aftësi, profesionalizën, korrektësi dhe janë të gatshëm në çdo kohë dhe në çdo situatë të ndihmojnë.

Sot në një shoqëri ndëgjova fjalë shumë të mira për një mjek nga Kërçova që punon në Shkup, i cili përveç aftësisë, përkushtimit shërbimeve profesionale ndaj pacientëve në mënyrë vullnetare dhe pa selektim u ofron edhe ujë, senduiçe dhe ushqime të ndryshme me mjetet e veta.

Berat Sejdini, megjithëse nuk u njeh personalisht u ndjeva krenarë me veprat dhe sjelljet tuaja. Me këto sjellje rritni vlerën tuaj si person, nderoni familjen Sejdini (Braja) dhe bëni krenarë të gjithë Kërçovën.

Shkruar nga Ramazan Bajrami