Modernizimi i zjarrfikësve, premtim i Deharit! Kryetari i Kërçovës: Do t’ju krijojmë kushte më të mira! (VIDEO)

Me këto kamionë zjarrfikësit në Kërçovë kryejnë intervenimet e tyre në rast nevoje.
Për qytetarët janë të gatshëm 24/7 thonë zjarrfikësit. Me kaq kushte sa kanë, ata arrijnë të intervenojnë edhe nëpër male.

Ndodh kur ndonjëri nga kamionët të prishet për shkak të intervenimeve në vendet malore, pasi që siç mund të shihet janë edhe të vjetër por asnjëherë siç thonë nga njësiti i zjarrfikësve, nuk i kanë lënë detyrat e tyre përgjysmë.
Kryetari i Komunës së Kërçovës Fatmir Dehari mohon faktin se ndodh që njësiti i zjarrfikësve ndonjëherë të punojë vetëm me një automjet.

“Nuk qëndron fakti se punojnë vetëm me një nga automjetet, pra janë disa automjete edhe pse shpesh ndodh për shkak të aktiviteteve që bëjnë të ndodhin edhe defekte nga më të ndryshmet, pra nuk mund të quajmë në nëse 2 apo 3 nga automjetet janë në defekt dhe të themi se funksionojnë me njërin nga to”, theksoi Fatmir Dehari – Kryetar i Komunsë së Kërçovës.

Modernizimi i Njësitit të zjarrfikësve ka qenë premtim i Deharit në programin e vitin 2017, gjithashtu ekipimi me zjarrfikës profesional, edukimi nëpër shkolla për preventivë kundër zjarrit, formimi I ekipeve vullnetare të zjarrfikësve dhe hapja e rrugëve nëpër viset malore për qasje më të lehtë të zjarrfikësve.

Dehari thotë se ata nuk i kanë të gjitha kushtet por se përpiqet tu sigurojë kushte më të mira.

“Duke vlerësuar rëndësinë e këtij sektori, ne obligohemi që të krijojmë edhe kushte më të mira. Për atë në konceptin e punës time në qeveri por edhe në institucionet tjera përpiqem që të siguroj kushte më të mira për të ardhmen e zjarrfikësve tanë”, u shpreh kryetari i Komunsë së Kërçovës, Fatmir Dehari.

TV 21 kërkoi edhe statistika nga Qendra për Menaxhim me Kriza për intervenimet që i kanë zhvilluar zjarrfikësit në terren gjatë vitit 2019 dhe fillim vitin e 2020 por edhe pse kemi insistuar 3 ditë ende nuk kemi një përgjigje. Në njësitin e zjarrfikësve në këtë vend punojnë 21 zjarrfikës.

VIDEO:

/tv21