Tensioni në numërim, CIA po dërgon agjentë për të mbrojtur Biden

Shërbimi Sekret Amerikan, i ngarkuar me sigurinë e presidentëve të SHBA, do të dërgojë një ekip agjentësh për të forcuar më tej masat e sigurisë rreth kandidatit demokrat për president Joe Biden.

Sipas Washington Post, një ekip agjentësh tashmë është dërguar në Wilmington, Delaware, si një përforcim që do të marrë detyrën të Premten dhe do të mbrojë Biden ndërsa selia e tij përgatitet për mundësinë e shpalljes së fitores në zgjedhjet presidenciale.

Kjo u konfirmua për gazetën amerikane nga dy burime pa emër, duke deklaruar se ekipi i ri do të formojë një “flluskë mbrojtëse” rreth Biden, pasi selia e kandidatit demokrat informoi shërbimin se ata do të vazhdonin të përdorin qendrën e konferencave në Wilmington për të paktën një ditë tjetër.

Zëdhënësi i Shërbimit Sekret, Catherine Milhoan nuk pranoi të komentojë mbi akuzat.

Një ndryshim i vogël

Hendeku midis kandidatëve në zgjedhjet presidenciale të SH.B.A.-së në shtetet vendimtare u ngushtua më tej të Premten në mëngjes, pasi Donald Trump dhe Joe Biden u afruan me njëri-tjetrin në më pak se 1 përqind në Pensilvani, Xhorxhia, Karolina e Veriut, Nevada dhe Arizona.

Në Pensilvani, ku Trump kryeson me pothuajse 18,000 vota, 95 për qind e votave u numëruan dhe ndryshimi midis kandidatëve është 0.3 për qind.

Në Xhorxhia, ndryshimi në favor të Trump është pak më shumë se 1,700 vota me 99 përqind të votave të numëruara dhe kandidatët janë të barabartë në përqindje ku të dy kanë 49,4 përqind të votave.

Në Karolinën e Veriut, Trump kryeson me 76,700 vota me 94 përqind të votave të numëruara dhe ka një avantazh prej 0.4 përqind.

Në Nevada, Biden kryeson me 11.500 vota me 84 përqind të votave të numëruara (0.9 përqind të ndryshimit krahasuar me Trump) dhe në Arizona me pak më shumë se 46,000 vota, ose 0.6 përqind përpara Trump me 90 përqind të votave të numëruara.

/infoshqip