Spitali i Kërçovës i mbushur me të sëmurë (VIDEO)

Numri i të infektuarve me Kovid-19 po rritet ndërsa gjendja në spitalin e Kërçovës vazhdon të vështirësohet.
Te kjo barakë trajtohen pacientët e infektuar, por kapaciteti i saj është i pamjaftueshëm për të gjithë të infektuarit.
Situata me Covid-19 ka rënduar gjendjen në spitalin e Kërçovës. Kjo prapa meje është baraka ku trajtohen pacientët me Covid-19 që janë më simptoma të lehta dhe marrin infuzione brenda ditës.

Gjendja është e vështirë në këtë qytet meqë nuk ka as repart të infektologjisë dhe as mjete të mjaftueshme. Gjatë ditës së djeshme ka qarkulluar një video ku një pacientë merr infuzion në oborrin e spitalit të Kërçovës.
Në këtë spital takuam një të moshuar të infektuar me Covid-19 dhe që mezi ka siguruar termin për Covid test edhe atë në Tetovë ku ka rezultuar pozitiv. Ai tha se ishte lajmëruar disa herë sot për të marr infuzion në këtë spital, por askush nuk ishte përgjigjur telefonatave të tija.

“Mezi gjeta në Tetovë dhe në Tetovë shkova te premten, në mëngjes askush nuk lajmërohej e kisha infuzionin e 6 ta marr këtu dhe më thanë tani se pozitivë jam. Tani edhe gruan time e ka kapur. Sot jam pak më mirë dhe nuk di”, tha një i infektuar me Covid-19.
Pacientët e Kërçovës me Covid -19 të që janë në gjendje të rëndë transportohen nëpër spitalet tjera ose në Klinikën e Shkupit, pos së fundmi as kjo nuk realizohet me sukses, sepse janë mbushur pothuajse të gjitha kapacitetet e spitaleve në shumë qytete.

Drejtori i Spitalit të Ohrit Goran Baleksi ditë më parë për TV21 tha se nuk mund të pranojnë pacientë nga qytetet tjera, sepse shumë shpejtë po mbushen kapacitetet. Ai tha se ka ardhur koha kur çdo spital duhet të luftojë për pacientët e vetë. Numri i të infektuarve në Kërçovë deri më sot ka shkuar në 596, ndërsa raste aktive janë 191. Të infektuar janë edhe 8 punonjës shëndetësorë edhe atë 2 motra medicinale, 4 specialistë dhe 2 mjeke.

VIDEO:

/tv21