Merkel: E rëndësishme që kufijtë të qëndrojnë të hapur

Për Gjermaninë si një vend në qendër të Europës është e rëndësishme që kufijtë të mbeten të hapura, pasi ka një cikël ekonomik funksional që të luftojmë së bashku pandeminë, theksoi kancelarja gjermane Angela Merkel në video-konferencën e udhëheqësve BE mbi evolucionin e pandemisë.

Kancelarja gjermane, Angela Merkel mbrojti rikthimin e kufizimeve gjithëpërfshirëse dhe mbylljen mbarëkombëtare në Gjermani muajin e ardhshëm duke theksuar se kombi po përballej me një situatë dramatike dhe duhej të veprohej shpejt, në mënyrë që të mbrohej shërbimi shëndetësor nga kriza.

“Infektimet e reja janë në rritje të mprehtë”, pohoi Merkel.

“Një dinamikë e tillë do të rëndojë njësitë tona të kujdesit intensiv brenda disa javësh”, shtoi kreu i qeverisë federale.

Gjermania ka regjistruar 16 774 infektime të reja dhe 89 vdekje nga COVID-19 në 24 orët e fundit krahasuar me një ditë më parë.