Maqedoni/Gjoba prej 20 deri në 500 euro nëse nuk respektohen masat

Me Ligjin e ri për mbrojtjen e popullsisë nga sëmundjet infektive janë paraparë gjoba në rast të mosrespektimit të masave të reja që u miratuan mbrëmë nga Kuvendi i Maqedonisë së Veriut, përcjell INA.

Por mosmbajtjen e maskës në ambient të hapur është paraparë gjobë prej 20 eurove, pra qytetarët duhet ta mbajnë në çdo kohë sapo të dalin nga shtëpia, përndryshe përballen me gjobë.

Gjoba parashihen edhe për personat që duhet të hyjnë në vetizolim, që nga momenti kur testohen për koronavirus, apo caktimi i terminit dhe nëse marrin rezultat pozitiv se janë të infektuar, atëherë ata vazhdojnë vetizolimin.

Ata që nuk respektojnë masën e vetizolimit gjobiten me gjobë prej 50 eurove. Personat që do të grumbullohen pas orës 22:00 në ambiente të hapura do të gjobiten me 500 euro. (INA)