Këto janë vendet evropiane ku mbajtja e maskës është e detyrueshme

Në një përpjekje për të ngadalësuar përhapjen e koronavirusit të ri, një numër në rritje vendesh kanë bërë të detyrueshme mbajtjen e maskave të fytyrës në hapësirat publike duke gjobitur qytetarët nëse nuk e respektojnë këtë masë.

Në të gjithë botën janë mbi 50 shtete që mbajtjen e maskës e kanë të detyruar, sipas të dhënave të grumbulluara nga Organizata Botërore e Shëndetësisë.

Më 18 mars, Republika Çeke u bë vendi i parë europian që bëri të detyrueshme maskat në supermarkete, farmaci dhe transportin publik.

Sllovakia ndoqi shembullin dhe më 25 mars, në një përpjekje për të larguar bezdinë popullore për maskat e fytyrës, presidentja Zuzana Caputova veshi një maskë të kuqe, që përputhej me veshjen e saj gjatë ceremonisë së betimit të qeverisë së re.

Më 29 mars, Bosnje-Herzegovina e bëri të detyrueshme për qytetarët e saj që të vishnin një maskë fytyre ndërsa ecnin në rrugë ose jashtë shtëpive të tyre.

Më 6 prill, Austria gjithashtu vendosi që maska ​​të jetë e detyrueshme në hapësirat publike.

Në të njëjtën ditë, Turqia urdhëroi të gjithë shtetasit e saj të vishnin maska ​​kur dilnin për blerje ose kur vizitonin vende publike të mbushura me njerëz.

Më 12 prill, Izraeli e bëri të detyrueshme që qytetarët e tij të mbanin maska ​​për fytyrën ndërsa ishin jashtë në publik.

Më 16 prill, Ministria e Shëndetësisë në Poloni e bëri të detyrueshme mbulimin e fytyrës ose me një maskë ose me një copë pëlhure të bërë në shtëpi si një shall. Kjo vlen për zonat e gjelbra si parqet dhe plazhet si dhe vendet publike të tilla si rrugët, sheshet, objektet fetare, objektet tregtare dhe vendet e tregut.

Më 20 prill, Luksemburgu e bëri përdorimin e maskave të fytyrës të detyrueshme në vende publike ku nuk është e mundur të mbash distancë të mjaftueshme midis një personi dhe tjetrit, siç janë transporti publik dhe supermarketet.

Më 22 prill, Gjermania u bë vendi i fundit europian për të bërë të detyrueshme mbajtjen e maskave të fytyrës kur jeni në transportin publik dhe gjatë blerjeve në të gjitha 16 shtetet e saj.

Më 10 maj, Franca bëri të detyrueshme përdorimin e maskave të fytyrës, pasi vendi do të dilte nga bllokimi nga koronavirusi të nesërmen.

Spanja e bëri të detyrueshme më 20 maj për të gjithë personat mbi gjashtë vjeç.

Nga data 8 tetor edhe Italia e bëri të detyrueshme mbajtjen e maskës në ambientet publike.

/alsatm