Informim nga këshilli organizativ i protestave

Pas një mundi dhe sakrifice gati dy mujore, të kaluara duke protestuar në sheshe, duke marshuar në bulevarde, duke bllokuar rrugë magjistrale dhe autostrada duke u përballur me policë dhe kordone policore…dje KËSHILLI ORGANIZATIV I PROTESTAVE NË NIVEL SHTETI morrëm thirrje nga KORDINATORËT e grupeve parlamentare për ti takuar sot.

Takimet me kordinatorët e grupeve parlamentare të ASH, AA dhe BDI-së rezultuan të suksesshme, biles edhe përtej pritjeve tona.
Nga ASH dhe AA (Skender Zejd Rexhepi dhe Abdulla Saliu) kemi përkrahje të parezervë në të gjitha kërkesat tona.

Nga kordinatori i i grupit parlamentar të BDI-së (Izet Mexhiti) kemi përkrahje të plotë në parim. Kërkoi 1 javë kohë të konsulltohet në lidhje me kërkesat dhe mënyrën e implementimit të tyre.

E lamë që pas një jave të takohemi sërish ndërsa ndërkohë NE VAZHDOJMË ME PROTESTAT!
Në ndërkohë LSDM-ja na e anuloi takimin pa asnjë sqarim?!

Me këmbënguljen tonë duke protestuar dhe duke rezistuar njëkohësisht, më herët ose më vonë do të ja arrijmë qëllimin. Kërkesat tona do të realizohen. Do të vijë dita kur faturat e energjisë elektrike nuk do jetë cënim për bukën e gojës.

Shkruan aktivisti Zeko Banushi në facebook