Hapja e kufijve pa kushte, pritet vendimi i qeverisë (VIDEO)

Komisioni i Sëmundjeve Infektive i rekomandon Qeverisë heqjen e PCR testit negativ të obligueshëm për të hyrë në Maqedoni të Veriut. Rekomandimi i tyre do të diskutohet në mbledhjen e parë të Qeverisë. Instituti i Shëndetit Publik dhe Ministria e Shëndetësisë janë në koordinim me autoritetet rajonale, prej ku presin të reflektojnë ndaj vendimit për heqjen e testeve në mënyrë të koordinuar, njofton Televizioni Koha, transmeton Tetova Expres.

Nga  ISHP, thonë se heqja e testeve është interes rajonal. Në rast se nuk ka marrëveshje rajonale, autoritetet do të vendosin për heqjen e testeve me shtete të caktuara si Republikën e Kosovës dhe Serbinë. Nevojën për heqjen e testeve PCR negativ si mekanizëm për rimëkëmbje ekonomike e kanë potencuar edhe hotelierët e rajonit të Ohrit dhe Strugës. Vendimi i Qeverive do të sillet ndërkohë që Ambasada e SHBA-ve në Shkup ka caktuar ndërmjetësues për efikasitetin e procesit, njofton Televizioni Koha, transmeton Tetova Expres.

Kosova ditë më parë hoqi testin negativ vetëm për transit, ndërsa kjo masë mbetet në fuqi në Maqedoni të Veriut, Serbi dhe Bosnjë. Mali Zi kërkon vetëm teste që dëshmojnë ekzistimin e anti-trupave. /Tv Koha/

VIDEO: