Ambasadorja Galovej për vizitë në Kërçovë

Projektet për simulim të diversitetit, për krijim të një shoqërie mbi themelet e respektimit të ndërsjellë mes kulturave të ndryshme dhe për edukim të drejtë të rinisë në frymën e progresit janë prioritetet që i ndihmon Ambasada e Britanisë së Madhe në vend.

Pikërisht, në suaza të aktiviteteve të projektit “Përforcimi i rezistencës kundër ekstremizmit të dhunshëm” i realizuar nën udhëheqësi të organizatës “Centre for Common Ground” u mbajt edhe takimi i sotëm mes kryetarit të komunës së Kërçovës, Fatmir Dehari dhe ambasadores së Britanisë së Madhe, Rejçëll Galovej.

Ambasadorja deklaroi se Britania e Madhe gjithmonë do ta ndihmojë zhvillimin progresiv të komunave në vend.

“Do të vizitoj disa shkolla në Kërçovë, manastirin “Sveta preçista Bogorodica”, dhe nëse më mbetet kohë, do ta vizitoj edhe vetë qytetin e Kërçovës”, tha ambasadorja Galovej pas vizitës.

Për kryetarin e komunës Dehari, e rëndësishme është që projekti i përfshin shkollat fillore në komunë sepse edukimi i gjeneratave të reja do ta pamundësojë ndikimin e ç’farëdo lloj paraqitje devijuese, do ta nxit shoqërimin e tyre dhe respektin ndaj njëri- tjetrit.

“Në Kërçovë kemi shumë marrëdhënie të mira ndërnacionale dhe tolerancë fetare. Do të vazhdojmë edhe në të ardhmen si komunë të punojmë në atë frymë”, ka potencuar Dehari.

Galovej dhe Dehari i vizituan shkollat fillore “Kuzman Josifovski – Pitu” në qytet dhe shkollat “Rexh Rushit Zajazi” në fshatin Zajaz, si dhe manastirin “Sveta preçista Bogorodica” në Kërçovë.

/ts