Pas aksidentit të tmerrshëm të tre fëmijëve shqiptarë në Zvicër, njëri nuk u mbijetoi plagëve

Në Uster të Zvicrës, tre fëmijë ranë përmes një tende të diellit. Një fëmijë nëntëvjeçar humbi jetën nga plagët e pësuara. Siç thotë motra e njërës prej viktimave, ishte hera e parë që ai ishte ngjitur në tendë

Sara E. është motra e Garipit (9), njëri nga fëmijët që pësuan në një aksident të së shtunës. Siç thotë 16-vjeçarja, ajo po mësonte në shtëpi kur motra e saj pranoi një telefonatë: “Një kolege na tha të vinim në shkollë. Dyshohej se vëllai im kishte pësuar një aksident”.

Pastaj ajo menjëherë shkoi në vendngjarje: «Vëllai im qëndronte ulur dhe po qante. Ai ishte i vetmi që ishte i vetëdijshëm”. Siç thotë 16-vjeçarja, Garipit po i dilte gjak nga hunda: “Ai më tha se po i dhemb krahu”. Ajo menjëherë thirri prindërit e saj. Pas pak, Garipi u dërgua në spital me ndihmën e shpejtë. Sara shkoi me nënën e saj. “Dy djemtë e tjerë ishin dërguar më parë në spital me helikopter”.

Përderisa Sara dhe babai i saj ishin në spital deri në ora 03.00të mëngjesit, nëna qëndroi gjatë gjithë natës. “Në ora 06.00 të mëngjesit sërish shkuam në spital”. Sipas rrethanave, vëllai i 16-vjeçares është më mirë fizikisht, informon Shtegu.com. “Ai theu krahun e tij, pësoi të nxira në trup dhe të nxira në këmbë”.

Por megjithatë psikikisht, 9-vjeçari është tronditur keq: “Ai po qan shumë dhe pyet gjatë gjithë kohës se si janë shokët e tij dhe nëse ata ende janë gjallë”. Të dielën atyre iu desh t’i tregonin se njëri nga fëmijët nuk ka mbijetuar: “Ai vetëm dënesi dhe gjatë gjithë kohës po dridhet. Kur e zë gjumi, ai papritmas fillon të bërtasë”.

Siç rrëfen 16-vjeçarja, të hënën do të përkujdeset një psikolog për nëntëvjeçarin: “Kjo është shumë e rëndësishme. Ai ka parë gjithçka dhe nuk i heq dot skenat nga koka e tij”. Megjithatë, ajo shton: “Vëllai im kishte fat në fatkeqësi”.

Garipi i tha asaj se ata po kërcenin rreth e rrotull në tendë kur ajo papritmas u shqye. “Dy shokët e tij ranë të parët. Ai vetë u rrëzua në tryezë”. Sipas 16-vjeçares, është hera e parë që vëllai i saj ishte ngjitur lart. “Unë me të vërtetë nuk e di se si i ka ardhur në mendje kjo ide”.

/ts