Kërçovë ulje e rasteve aktive me virusin korona

Në Kërçovë sot nuk ka të sapoinfektuar me virus korona, për fat të mirë ka dy të shëruar.

Me këtë, numri i përgjithshëm i të infektuarve në komunën tonë mbeti në 286 persona, informoi Xhabir Bajrami drejtori i Shtëpisë së Shëndetit dhe anëtar i Shtabit të Krizës në Komunën e Kërçovës.

Ai shtoi se ka gjithsej 40 raste aktive, 232 të shëruar, ndërsa 14 persona kanë ndërruar jetë.

“Gjatë disa javëve të kaluara në vazhdimësi ka ulje të rasteve aktive në komunën tonë. Kjo është mirë, por edhe krahas kësaj situate mbetet thirrja për të gjithë qytetarët që të respektojnë rekomandimet e dhëna nga institucionet kompetente shëndetësore”, shtoi Bajrami.

/tv21