Kërçovë fshati Drugova pa kanalizim dhe me rrugë të pa asfaltuara! (VIDEO)

Kështu duket hyrja në fshatin Drugovë, i cili është vetëm dy kilometra larg qytetit të Kërçovës.

Në këtë fshat rrugët janë të pa asfaltuara dhe sikur të mos mjaftonte kjo, në mes rrugëve të fshatit kalojnë edhe ujërat e zeza, të cilat përbëjnë problem të madh për banorët sidomos gjatë sezonit verorë.

Aty kundërmon erë e keqe, ndërsa fëmijët të pavetëdijshëm për rrezikun luajnë me ujërat e zeza të cilat kanë pothuajse “vërshojnë” çdo rrugë të fshatit.

Banoret thonë se Ky problem ka 30 vjet që është kështu.

“Para 3 vjetëve kur ishin zgjedhjet për kryetarë na premtuan për kanalizimin se do të bëhet me procedurë të përshpejtuar por edhe sot e kësaj dite nuk ka asgjë, vetëm premtuan zgjedhjet kaluan ata fituan u ulën në kolltuk dhe ne mbetëm pa kanalizim”, tha një banor.

“Për kanalizimin të mos flasim, ai është ditorë mbi 25 vite që kur kemi vendosur ujin kanalizim nuk kemi. Rrugët i shihni vetë si janë në çfarë gjendje janë dhe nga ujërat fekale nuk kemi jetë. Gjatë verës e kemi më rëndë fëmijët, kemi fëmijë të vogël, nipër. Këtu jetojmë dy nacionalitet, problemin e kemi të përbashkët, me rëndësi kjo të bëhet për jetën tonë”, tha një banor.

“Kemi fëmijë të vegjël ata nuk dinë së çfarë është rreziku, shkojnë fusin këmbët tek uji, spërkaten ata nuk e dinë fare aty ka mikrobe ka sëmundje që mund të fitojnë fëmijët nga ajo”, deklaroi një banore.

Probleme me kanalizimin kanë edhe disa fshatra tjera. Kryetari i Komunës së Kërçovës Fatmir Dehari tha se ka një projekt të madh për kanalizimin e fshatrave, por që ka ngecur në Qeveri.

Ndërsa për fshatin Drugovë tha se komuna çdo vit ndan mjete, por banorët nuk duhet t’i zgjedhin problemet me pronat private ku duhet të kalojë kanalizimi.

“Komuna çdo vit ka planifikuar mjete vetanake jashtë kësaj që thash është i përfshirë në projektin e përgjithshëm të reabilitimit të kanalizimi, por enkas për fshatin Drugovë kam ndarë mjete u kam thënë, kam bashkëbiseduar me çdo të interesuar edhe jashtë bashkësisë lokale me qytetarë të Drugovës vetëm se të ekzistojë vullneti i tyre për të na mundësuar ta realizojmë projektin meqë ka të bëjë edhe me prona private. Nuk mundet kryetari i Komunës ti bind se duhet të kalojë trasat në këtë fushë apo në atë fushë të bind qytetarët që ne të realizojmë projektin”, deklaroi Dehari.

Sa u takon rrugëve të pa asfaltuara Dehari tha se punimet do të fillojnë nga muaji shtatorë dhe në qershor të vitit të ardhshëm rrugët dhe rrugicat e Drugovës do të jenë të përfunduara.

VIDEO:

/tv21