BDI drejt shpartallimit ! (FOTO)

Që kurë kreu i BDI-së, Ali Ahmeti shpalosi emrat e kandidatëve për ministra në qeverinë e re, nuk kanë të ndaluar pakënaqësitë dhe revoltat brenda integristëve. Revolta, sipas burimeve të Agjencisë së Lajmeve ZHurnal brenda kësaj partie, ka të bëj me kandidaturën e Artan Grubit për zv/kryeministër, ndërsa më të zëshëm në kritikën e tyre janë dega e Çairit dhe Sarajit.

Por përvec disa degëve të BDI-së që haptazi kanë shprehur indinjatën e tyre ndaj propozimit që Grubi të jetë zv/kryeministër, edhe ish ushtarët e UÇK-së kanë shprehë revoltë të madhe për këtë kandidaturë, dhe mosrespektimin e kryetarëve të degëve rreth propozimit të emrave për kandidatë për ministra. Shumë ish ushtarë të UÇK-së dje dhe publikisht nëpër rrjetet sociale kanë paralajmëruar se nëse udhëheqësia e BDI-së nuk reflekton rreth propozimeve për ministra, mund të ndodhë që brenda kësaj partie të ketë dhe ndonjë fraksion.

Një debatë i ashpër po zhvillohet edhe nëpër rrejtet sociale ku aktivistë dhe simpatizant brenda kësaj partie edhe publikisht kanë shprehur revoltën e tyre duke shfaqur kështu zhgënjimin me disa propozime për ministra nga Kryetari Ali Ahmeti.

Por Agjencia e Lajmeve ZHurnal nga burime shumë të besueshme brenda BDI-së, mëson se përvec degëve të Shkupit, pakënaqësi kanë shfaqur edhe disa degë tjera të kësaj partie si ajo e Kërçovës, Strugës, Gostivarit dhe të tjera.

Siç mëson Zhurnal, udhëheqësitë e disa degëve janë shprehur se ata, që kanë bartur aktivitetin zgjedhorë dhe që janë zgjedhur, nuk janë përfillur për konsultime si BDI-Cair dhe BDI-Saraj, dhe ju kanë bërë thirrje këtyre kandidatëve, të respektojnë votuesit dhe aktivistët politik dhe të reflektojnë duke refuzuar të pranojnë këto funksione.

Nga këto degë, sipas burimeve në fjalë, thonë se kryetari Ali Ahmeti nuk po respekton rregulloren e partisë dhe aq më pak kryetarët e degëve që ia sollën fitoren më 15 korrik, sidomos fitoren në rrethinën e Shkupit.

Sipas simpatizantëve, dyshohet se planit të jetë i ndërtuar në “marriot” që me emërimin e Artan Grubit, të vijë deri në këtë gjendje që BDI-ja të shpartallohet.

FOTO:

/zhurnal.mk