Kërçovë pesë të sapoinfektuar nga Kovid-19 dhe tre të shëruar

Në Kërçovë sot ka pesë të infektuar të ri nga Kovid-19 dhe tre të shëruar, tregojnë të dhënat e Ministrisë së Shëndetësisë.

Me këtë numri i përgjithshëm i të infektuarve në komunë arriti 120, prej të cilëve 93 janë aktiv, 22 janë shëruar dhe pesë kanë vdekur.

Siç thekson mjeku Xhabir Bajrami, anëtarë i Shtabit komunal të krizës në Kërçovë, pesë personat e sapoinfektuar janë në gjendje të mirë shëndetësore dhe shërohen në kushte shtëpie nën kontroll të mjekut të tyre amë.

“Ato janë në izolim, ndërsa sot kemi fatin që tre persona arritën ta fitojnë betejën me virusin”, tha Bajrami.

Ai apeloi qytetarët t’u përmbahen rekomandimeve të dhëna nga institucionet shëndetësore.

/ts