Mehmedi: Në bërthamë të programit tonë janë të drejtat e munguara të shqiptarëve!

Nënkryetari i Aleancës për Shqiptarët Remzi Mehmedi në një intervisë për gazetën e njohur bullgare obshetsvo.net, ka folur në lidhje me procesin zgjedhor në Maqedoninë e Veriut, përcjell in7.

Ai në këtë intervistë ka folur për procesin zgjedhor në RMV, për arsyen se pse në këto zgjedhje shqiptarët fituan më shumë mandate se sa një thë gjitha zgjedhjet parlamentare në të kaluarën, për qëllimet e koalicionit të ASH-së me Alternativën, për formimin e qeverisë së re, për “vijat e kuqe” të partive politike shqiptare rreth Kryeministrit dhe për pikat kreysore të në programin e qeverisë së ardhshme në lidhje me interesat e komunitetit shqiptar në Maqedoninë Veriore

INTERVISTA E PLOTË:

Z. Mehmedi, si mund të komentohet rrjedha e procesit zgjedhor në Maqedoninë Veriore? A kishte zgjedhje plotësisht demokratike apo kishte parregullsi gjatë votimit?

Remzi Mehmedi: Është për të ardhur keq që në një vend të sapo antarësuar në NATO dhe që pretendon të jetë pjesë e BE të organizohet një proces zgjedhorë me kaq shumë parregullsi, me shantazhe, kërcënime, blerje e mbushje të kutive me çka vihet rëndë në pikëpyetje demokracia në tërësi në RMV dhe procesi zgjedhor në veçanti. Uroj dhe besoj që këto të jenë zgjedhjet e fundit të këtilla dhe përfundimisht RMV të shëndrrohet në një vend normal ku vullneti i votuesit do të jetë i lirë dhe i pa cënuar nga askush.

Në këto zgjedhje partitë shqiptare kanë fituar më shumë ulëse në Kuvend sesa në zgjedhjet e kaluara. Cilat mund të jenë arsyet e një rritje të këtillë?

Remzi Mehmedi: Rritja e mandateve të shqiptarve në këto zgjedhje nuk duhet parë si befasi por duhet parë si raport demografik i popullsisë shqiptare në RMV, raport i cili do duhej të ishte edhe shumë më i madh nëse do të kishim ndryshim të kodit zgjedhor dhe do të krijonim mundësi të barabarta për të votuar diaspora ashtu si që kemi propozuar ne si ASH gjatë debatit për kodin zgjedhor. Tek atëhere numrat e deputetëve shqiptar do të pasqyronin shumë më afer realitetin demografik dhe etnik të vendit para së gjithash si e drejtë natyrore. Në këndvështrimin tim, dy janë faktorët kryesor: Shqiptarët këtë herë me të drejtë besuan më shumë tek opozita shqiptare bashkuar dhe ndëshkuan partitë në pushtet. Kurse befasi e vetme është epërsia numerike e Bdi ndaj Ash-Aaa e cila erdh si pasojë e faktorve të përmendur në përgjigjen e pyetjes së parë.

Si e vlerësoni pjesëmarrjen e koalicionit “Aleanca për Shqiptarët” dhe “Alternativa” në këto zgjedhje dhe a i arriti ky subjekt politik qëllimet?

Remzi Mehmedi: ASH-AAA është koalicion që realiasht ngjalli shpresën dhe besimin e përfaqësimit të denjë politik të shqiptarve pas shumë vitesh. Ka qenë koalicion që në parim ka funksionuar në të gjitha pikat të cilat janë varë nga mundësitë tona dhe kjo sigurisht që rezultoi me 12 mandate që përbën forcë reale të përfaqësimit dhe legjitimitet substancial ppolitik. Qëllimet parimore po që u arritën, raporti numerik viza vi Bdi është produkt i drejtpërdrejtë i shkeljes drastike të procesit zgjedhor dhe asesi, vullnet real!

Duke analizuar shpërndarjen e mandateve, cili është opsioni më realist për formimin e qeverisë?

Remzi Mehmedi:Edhe përpara se të dimë rezultatin e zgjedhjeve në kuadër të çështjes së bërjes së qeverisë gjithmonë kemi deklaruar që prioritet i joni është që në masë sa më të madhe të realizojmë premtet që i kemi ofruar elektoratit dhe në bazë të së cilave kemi marrë mbështetjen. Tash kur dihen numrat dhe në të dy kampet nuk vrehet ndonjë dallim i theksuar numerik është një mundësi e shtuar për të marrë vendime më konkrete në periudhën në vijim brenda organeve partiake dhe natyriasht duke i bërë të qarta edhe në opinion kur të jenë përfubsimtare.

A mendoni se partitë shqiptare do të kenë “linja të kuqe” në negociatat për formimin e koalicionit qeveritar dhe a mundet që kërkesa për një Kryeministër shqiptar t’i bashkojë ato dhe të bëhet një kusht kryesor për mbështetjen e qeverisë së ardhshme?

Remzi Mehmedi:Ballafaqimi me situatën e covid-19 e cila si duket nga keqmenaxhimi ka tejkaluar çdo parashikim, pasojat ekonomike që do të jenë të rënda dhe që duan menaxhim dhe përkushtim të veçantë për t’u rikuperuar sidomos tash kur është evidente që nuk ka ardhur diaspora në RMV që botërisht dihet se remitencat e tyre janë një katalizator shumë i rëndësishëm ekonomik i vendit, rritja e seriozitetit në përmbushje të kushteve për të afruar vendin drejt BE, ballafaqimi me sfidat ne drejtësi dhe në pabarazinë etnike dhe sociale në vend janë disa nga shtyllat emergjente dhe ofertë programore e koalicionit tonë Ash-Aaa. Ash tash më njihet që ka qenë konstruktive në çështje që seriozisht kan të bëjnë me shqiptarët, me antarësimin e vendit në NATO dhe BE. Për retorikë politike të kampanjës së subjekteve tjera nuk mund të mbajmë ne përgjegjësi.

Sipas mendimit tuaj, cilat duhet të jenë pikat kryesore në programin e qeverisë së ardhshme në lidhje me interesat e komunitetit shqiptar në Maqedoninë Veriore?

Remzi Mehmedi:E kam deklaruar edhe më herët po e them edhe tash. Interesat e shqiptarve në RMV janë jo interesa luksi por TË DREJTA TË MUNGUARA të shqiptarve dhe nga ana tjetër, këto të drejta të munguara të shqiptarve nuk bien në asnjë pikë ndesh as me synimet e vendit drejt NATO dhe BE as me raportet demografike ne vend, perkundrazi janë KOMPLEMENTARE dhe përshpejtojnë antarësimin e vendit në BE dhe njëlohësisht përshpejtojnë RMV të fillojë të ngjajë me shtet normal.

Investimet në infrastrukturë në pjesët shqiptare, ligji për përfaqësim adekuat, mundësitë e barabarta institucionale, zgjidhja dhe mospërsëritja e rasteve të montuara politike, parandalimi i migrimit dhe krijimi i kushteve pēr të këthyer mërgatën janë disa nga shtyllat kryesore të cilat janë emrues i përbashkët i interesave të shqiptarve dhe njëkohësisht interes i stabilitetit edhe politik edhe ekonomik i RMV.

/in7tv