Taravari: Kemi emra të personave të vdekur që evidentohen se kanë votuar

Sekretari i partisë Aleanca për Shqiptarët, Arben Taravari në emisionin “Enter” në TV SHENJA, ka deklaruar se ata kanë targetuar 85 mijë deri në 90 mijë vota, por se BDI në anketat e tyre e kanë nxjerr diku 75 mijë vota.

“Çudi është e madhe është prej nga BDI doli mbi 100 mijë. Ky është paradoksi i komplet zgjedhjeve. BDI me një inxhiniering zgjedhor duke blerë vota mos i flasim fenomenin e kërcënimeve, shantazhimeve, përdorimit të policisë, por edhe mbushjes së kutizave siç ka ndodhur në komunat e Çairit, Sarajit, Pllasnicës, Dolnenit, Mavrov dhe Rostushëm, Zajaz dhe Osllemoje, pra një mbushje brutale e kutive të kutive që është në një farë mënyrë abuzim i vullnetit të lirë politik të shqiptarëve që rradhëzi ndodhen”, ka deklaruar Taravari në emisionin “ENTER” në TV SHENJA.

Ai tha se në Zajaz 80 për qind kanë dalë të votojnë dhe ne e dimë se shqiptarët nuk dalin në aq përqindje për të votuar.

“Në fatkeqësisht kemi emra dhe mbiemra edhe të vdekurve të cilët janë evidentuar sikur kanë votuar, kemi emra dhe mbiemra të personave që janë në mërgim dhe jashtë shtetit të cilët janë evidentuar sikur kanë votuar. Nuk është etike t’i përmendi emrat dhe të gjitha këto faktet janë dhënë deri tek institucionet kompetente të Maqedonisë, janë dërguar në OSBE/ ODIHR dhe në të gjitha ambasadat e huaja”, është shprehur Taravari.

Sipas tij shqetësimi i tyre është se ka pasur blerje të votave dhe keqpërdorim të votave.

“Shqetësimi ynë është se deri kur shqiptarët do të votojnë si në Banglladesh”, tha Taravari.

/SHENJA/