Sot nuk ka të infektuar të rinj me virus korona në Kërçovë, një person ndërroi jetë

Sipas të dhënave të Ministrisë së Shëndetësisë në Kërçovë sot nuk ka raste të reja të të infektuarve me virus korona.

Një person ndërroi jetë, ndërsa një u shërua. Me këtë numri i përgjithshëm i të infektuarve me KOVID-19 në këtë komunë mbeti 100, prej të cilëve 81 aktivë, 14 të shëruar dhe pesë persona ndërruan jetë.

“Për fat të mirë nuk kemi të sëmurë të rinj sot në Kërçovë, por sot për fat të keq një person e humbi betejën me virusin. Gjithashtu, kemi regjistruar një person të shëruar”, tha mjeku Xhabir Bajrami, anëtar i Shtabit Komunal të Krizës në Kërçovë.

Ai iu bën thirrje qytetarëve që t’i respektojnë rekomandimet e dhëna nga institucionet kompetente shëndetësore

/ts