KSHZ ende nuk i publikon rezultatet e detajuara, problem si të mblidhen 104 mijë vota për një parti?!

Komisioni Shtetëror Zgjedhor (KSHZ) ende nuk po i publikon në ueb faqen e vet rezultatet e detajuara të zgjedhjeve për çdo vendvotim dhe çdo komunë.

Në KSHZ thonë se ende kanë problem me ueb faqen e sulmuar nga hakerët. Por burime që duan të mbesin anonime, thonë se ky organ ka problem si t’i gjejë 104 mijë vota për një parti.

“Nëse nxjerrim rezultate për këtë parti në Vevçan e në komuna tjera të pastra maqedonase, atëherë do të vërehet manipulimi. Nëse i nxjerrim në vendbanime shqiptare, nuk përputhen me procesverbalet.

Mendoj se ueb faqja e KSHZ-së nuk do të funksionojë deri në momentin kur të falsifikohen procesverbalet në komunat shqiptare me qëllim që të arrihet shifra 104 mijë”, thotë i njëjti burim, duke mos përmendur emrin e partisë për të cilën bëhet fjalë.
“104 mijë vota është rezultat që nuk përputhet as me jehonën e votuesve”, thekson i njëjti burim.

Sipas tij, fakti që sistemi i KSHZ-së u sulmuar nga hakerët rusë, tregon qartë se cili shtet dëshiron me çdo kusht që partia në fjalë të ketë 104 mijë vota.

/lajmpress