Ja emrat 32 deputetëve shqiptarë në Parlamentin e Maqedonisë së Veriut

Në Maqedoninë e Veriut janë përpunuar 99 për qind të rezultateve nga Komisioni Shtetëror Zgjedhor dhe rezulton se partitë politike shqiptare do të kenë 32 deputetë në Parlament.

Kështu, Bashkimi Demokratik për Integrim i Ali Ahmetit, do të ketë 15 deputetë, pesë më shumë nga sa kishte në përbërjen e kaluar. Numrat e kësaj partie pritet të jenë vendimtar për qeverinë e re.

Në njësinë numër gjashtë BDI ka fituar me 7 deputetë, në njësinë e pestë me 3 deputetë, njëzia numër dy, 3 deputetë, ndërsa në njësinë numër një, 2 deputetë.

Koalicioni mes dy partive, Aleanca për Shqiptarët e Ziadin Selës do të ketë 12 mandate deputetësh. Shohim edhe këtu një rritje të konsiderueshme të numrave në Parlament në krahasim me përbërjen e kaluar.

Në njësinë e gjashtë këto dy parti kanë ftuar 6 deputetë, në të pestën 1 deputet, në të dytën 3 dhe në njësinë e parë 2 deputet.

Lëvizja BESA e Bilall Kasamit, e cila ishte në koalicion me LSDM-në e Zoran Zevit, arriti të marrë katër deputetë. Ndërsa, Partia Demokratike e kryesuar nga Menduh Thaçi mori vetëm një deputet në njësinë e gjashtë zgjedhore.

NJËSIA ZGJEDHORE 1

BDI: Izet Mexhiti, Arben Ziberi

BESA: Kastriot Rexhepi

AAA: Skender Rexhepi

ASH: Abdulla Saliu

NJËSIA ZGJEDHORE 2

BDI: Arbër Ademi, Berat Ajdari, Merita Koxhaxhiku

BESA: Bastri Bajrami

ASH: Elmi Aziri

AAA: Afrim Gashi, Safije Sadiki

NJËSIA ZGJEDHORE 5

BDI: Agim Shaqiri, Ismail Jahoski, Arbana Pasholli

ASH: Syrija Rashidi, Remzi Memedi

NJËSIA ZGJEDHORE 6

BDI: Ali Ahmeti, Talat Xhaferi, Shpresa Hadri, Branko Manajlovski, Xhevat Ademi, Mirsade Emini-Asani, Bajram Kadrija

PDSH: Menduh Thaçi

BESA: Bilall Kasami, Fadil Zendeli

ASH: Ziadin Sela, Adnan Neziri, Ilire Dauti, Hysni Ismaili, Halil Snopçe, Artina Qazimi.

/infoshqip