As “A” nga Rruga e Arbrit që premtoi BDI-ja para nëntë viteve (VIDEO)
Përveç rajonit të Shkupit dhe Kumanovës, BDI në platformën e zgjedhjeve parlamentare të vitit 2011 pati parashikuar edhe shumë projekte për regjionet e tjera, por në shumicën dërmuese prej tyre, sot pas nëntë viteve, ende as gjysma e tyre nuk ka përfunduar. Në atë program të cilën aktualisht e kanë hequr nga faqja zyrtare, BDI kishte premtuar edhe projekte për investime në regjionin jugperëndimor të vendit që përfshin Kërçovën, Dibrën dhe Strugën. Nga pjesa e VI e programit, ku ishin paraparë 7 projekte, vetëm tre janë realizuar deri më tani edhe atë:
PLATFORMA E BDI-së: ZGJEDHJET 2011. Pjesa e VI
Regjioni Jugperendimor (Kërçovë, Dibër dhe Strugë)
Ndërtim i sistemit për pastrim të ujërave të zeza (Kërçovë, Zajas, Osllomej, Pllasnicë,…),
Themelimi i zonës teknologjike industriale zhvillimore në Kërçovë,
Themelimi i zonës teknologjike industriale zhvillimore në Strugë,
Por nga e njëjta programë 9 vite më vonë ende mbeten pa realizuar shumë investime kapitale dhe projekte të rëndësishme për banorët e kësaj ane që në përqindje më të lartë janë shqiptar. Në mesin e premtimeve të parealizuara e të premtuara nga viti 2011 janë:
PLATFORMA E BDI-së: ZGJEDHJET 2011. Pjesa e VI
Regjioni Jugperendimor (Kërçovë, Dibër dhe Strugë)
Rruga e Arbërit. Ndërtimi i rrugës së re Kërçovë-Dibër dhe rikonstruim i rrugës Dibër Mavrovë,
Promovimi i turizmit liqenor dhe banjave termale në Dibër,
Promovimi i turizmit liqenor në Strugë dhe zhvillimi i plazheve të Strugës dhe rekonstrimi i rrugës turistike Strugë- Kalishtë,
Stacion filitrimi për pastrimin e ujërave të zeza në Dibër (do të bëhet studim fizibiliteti).
(faqe 56)
Në programin e njëjtë në pjesën për regjionin e Shkupit BDI kishte dështuar në realizimin e projekteve në shkallë edhe më të lartë. Për këtë rajon, nga 18 premtime, për nëntë vite kanë arritur të realizojnë vetëm katër premtime.
VIDEO:
/shenja
