Erdhën nga diaspora për dy javë, mbetën katër muaj! (VIDEO)

Është ora 6 e gjysmë dhe me dy fluturimet për në Stokholm dhe Keln Maqedonia e Veriut zyrtarisht i hapi kufijtë ajror.

Kishte udhëtarë që kishin ardhur edhe nga Kosova, por me shoqëruesit detyroheshin tw pwrshwndeten në hyrje, sepse në aeroport mund të hynin vetëm udhëtarët.

TV21: “Përshëndetje, biletë a keni?”

Nuk lejoheshin as taksistët t’u ndihmojnë udhëtarëve për t’i bartë valixhet.

Maska mbanin të gjithë udhëtarët, por për distancë nuk është se mbanin shumë edhe pse gjithandej aeroportit u bëhej me dije kjo udhëtarëve. Por sot mund të fluturonin vetëm udhëtarët që kanë leje qëndrimi në shtetet e Bashkimit Evropian apo edhe në SHBA.

Imer Fetai nga Piroku udhëtonte për Keln. Kishte ardhur për disa javë, por ishte bllokuar në vendin tonë me muaj.

“Po, u bë mirë, se unë jam këtu që katër muaj. Që katër muaj… dy bileta më janë anuluar, sot mezi që do të shkoj sërish. Tërë familjen e kam atje. Unë kam mbetur edhe vetë. S’kemi pasur edhe ku të hamë e ku të pimë. Unë kam jetuar vetë, kam zier vetë, të gjitha i kam bërë vetë. Mua më është dukur keq, shumë keq më është dukur se s’kam mundur si të jetoj. S’kam mundur të shkoj dokund, vetëm kam qëndruar në shtëpi jo kishte orë policore”, tha Imer Fetai, nga Piroku.

Që të dy mendonin se hapja e aeroporteve ka mundur të bëhet edhe më herët.

“Kanë mundur të funksionojnë edhe më herët. Ne shkojmë për ajri. Ne kemi letrat tonë dhe mund të shkojmë. Maskat i kemi mbajtur si tash si më parë”, tha Imer Fetai, nga Piroku.

Pasi kalonin filtrin e parë, hynin brenda. Dezinfektonin këpucët dhe duart. 4702
U matej edhe temperatura.Pritjet bëheshin në vende të paracaktuara më parë.

Gjithkund qëndronin mbishkrime se duhet të respektohet distanca dhe se duhet të mbahen maskat, por këto masa ndonjëherë edhe shkeleshin.
Edhe kjo grua që priste për check in, kishte ardhur për dy javë, por ka mbetur katër muaj e vetme. Tërë familjen e kishte në Amerikë.

Udhëtare:

-“Gjithë familjen e kam atje. Fëmijët, burrin, të gjithë. Unë ka ardhur për dy javë dhe kam mbetur katër muaj”

TV21: A jeni mërzitur?

-“Po, pak”.

Dëme nga ndërprerja e fluturimeve kishte pësuar edhe TAV Maqedoni e cila menaxhon me Aeroportin Ndërkombëtar të Shkupit. Drejtori Alper Tunga Ersoj thotë se krahasuar me vitet paraprake kanë humbur 50 për qind të udhëtarëve nga pandemia.

“Kjo pandemi e ka goditur aviacionin shumë keq dhe aviokompanitë. Krahasuar me vitin paraprak, ne kemi humbur 50 për qind të pasagjerëve”, tha Alper Tunga Ersoj, drejtor i aeroportit të Shkupit.

Udhëtimi i parë edhe pse ishte për në Bremen, pati vonesa. Udhëtarët e parë që fluturuan ishin për në Stokholm dhe Keln.

Udhëtimet me aeroplan mund t’i shfrytëzonin vetëm qytetarët të cilët kanë shtetësi dhe leje qëndrim në vendet ku duan të udhëtojnë. Kjo sepse Bashkimi Evropian nuk i ka hapur kufijtë me Maqedoninë e Veriut. Kufijtë ishin mbyllur si shkak i parandalimit të virusit Covid-19.

VIDEO:

/tv21