Naser Ziberi as vet nuk i besonte idesë të BDI-së për kryeministër shqiptar (VIDEO)
As vetë kandidati Naser Ziberi, deri para një jave nuk ka besuar në sinqeritetin dhe suksesin e idesë së Bashkimit Demokratik për Integrim, për kryeministrin e parë shqiptar. Në një deklaratë për Radion Evropa e Lirë, Ziberi këtë slogan e kishte quajtur propagandë partiake dhe ka thënë se është joatraktive për votuesit shqiptar. Ziberi i cili dje u promovua si kandidat për kryeministër nga BDI, në këtë deklaratë tha se ideja në fjalë nuk do të bëjë ndonjë kthesë në aspekt elektoral.
Naser Ziberi, Rel
“Slogani për kryeministër shqiptarë nuk është ide e madhe dhe ajo nuk mund të jetë atraktive për të bërë ndonjë kthesë radikale në dispononim e votuesit dhe sidomos votuesit shqiptarë, prandaj nuk pres ndonjë kthesë të rëndësishme në këtë drejtim”
Në një deklaratë tjetër për gazetën Lajm, kandidati i BDI-së për kryeministër, në cilësinë e analistit ditë më parë pati deklaruar se idetë e këtilla janë të realizueshme vetëm nëse partia që fiton, siguron 61 ulëse në Kuvend, ose nëse ka marrëveshje politike për koalicion me subjektet e tjera.
Naser Ziberi, Lajm TV
“Gjithë kjo kërkesë kur vihet në konotacion të aktivitetit parazgjedhor merr dimenzione të tjera dhe shpesh herë vendoset në konotacion negativ sidomos te partitë opozitare, te partitë konkurrente me BDI-në. Në qoftë se një subjekt i vetëm nuk ka 61 ulëse në parlament, duhet të ketë një marrëveshje politike, marrëveshje koalicioni me subjektet e tjera”
Përveç këtyre deklaratave, Naser Ziberi mbahet mend në opinion edhe për kritika të ashpëra ndaj partisë shqiptare në pushtet, BDI, ndërsa shpesh herë e akuzonte këtë subjekt edhe për lojra politike në sinkronizim me VMRO-DPMNE-në. /SHENJA/
VIDEO:
