Shitorja zvicerane po përgatitë një dhuratë për shqiptarët e guximshëm
Jérôme P. (32) e ka tmerruar një punonjëse të Volg në Zvicër, kur u fut në dyqan i maskuar dhe e sulmon me një stendë. Por dy punëtorët shqiptarë kanë mundur ta ndalojnë! Dhe çfarë bëri policia zvicerane? Ajo e lejoe që autori të tymos një cigare në qetësi.
Punëtorët shqiptarë Zemri Adili (35) dhe Zef Dushi (59) morën shumë lëvdara për kapjen e një hajni (32) në Rechersëil, i cili ka dashur të plakisë dyqanin e Volg, shkruan “Blick”, transmeton Shtegu.com.
Por, përse policia e prangosi hajnin në një kontejner ku të gjithë kalimtarët kanë mundur ta shohin? Përse nuk e futi menjëherë në një makinë policie?
“Blick” është interesuar te Policia Kantonale në Solothurn. Përgjigja ka qenë: “Për seciëln detyrë duhet të merret parasysh situata përkatëse”, ka pohuar zëdhënësi Astrid Bucher. Pas arrestimit të tij, autori i dyshuar ka dashur të tymos nijë cigare, gjë që nuk ishte e mundur në automjetin e patrullës.
“Në konsultim me të, ai është lidhur për kontejner. Kështu që ai ka mundur ta tymosë cigaren e tij në qetësi, ndërsa oficerët tanë të policisë i bënë sqarimet e para në vend”, vazhdoi Bucher. Ai ishte “i lumtur me zgjidhjen”. Dhe: “Asnjëherë nuk ka qenë qëllimi ta ekspozojmë atë”. Policia ishte në kontakt me të, gjatë gjithë kohës.
Hajni do të qëndrojë prapa grilave. “Gjykata e paraburgimit miratoi kërkesën tonë për paraburgim për tre muaj”, thotë Cony Brand i zyrës së prokurorit publik. “Për arsye të mbrojtjes së të dhënave të të akuzuarit, nuk mund të japim asnjë informatë të mëtutjeshme”.
Hulumtimi i “Blick” ka treguar: Emri i grabitësit është Jérôme P. dhe vjen nga Gerlafingeni. Fqinjët nuk duan të thonë asgjë për të. Por një kalimtar e di rastin: «Policia e njihte Jérôme. Ai është një përfitues i mirëqenies sociale, i cili në të vërtetë është i sjellshëm».
E sjellshme është edhe shitorja Volg. Deri më tani, punëtorët e ndërtimit u shpërblyen “vetëm” me simitat që i morën falas. Tani, një zëdhënëse e Volg ka zbuluar: “Ne personalisht do t’i falënderojmë dy ndihmësit e guximshëm me një dhuratë”.
/ina
