URIME ! Maqedonia e Veriut vendosi për hapjen e kufijve, pa test dhe karantinë
Qeveria e Republikës së Maqedonisë së Veriut në seancën e rregullt sot ka sjellur vendim për hapjen e kufijve pa kushte: pa test dhe karantinë 14 ditëshe.
Këtë e theksoi për INA, sekretari shtetëror i Ministrisë për Sistem politik dhe Marrëdhënie mes Komuniteteve, Lirim Shabani.
“Hapen të gjithë kufijtë për lëvizje të lirë për të gjithë qytetarët e Republikës së Maqedonisë së Veriut si dhe qytetarët e huaj pa pasur nevojë për PCR test dhe pa vetëizolim 14 ditor (karantinë).
Vendimi hyn në fuqi nga data 26.06.2020 e Premte.
Të gjithë bashkëatdhetarëve që do të udhëtojnë për në vendlindje ju dëshirojmë rrugë të mbarë dhe njëherit apelojmë për respektim maksimal të masave dhe rekomandimeve për mbrojtje nga virusi Covid 19, e gjithë kjo për të ruajtur shëndetin e qytetarëve.
Lutemi për durim dhe disciplinë sepse vetëm bashkë mund ta tejkalojmë këtë sfidë të përbashkët. #kujdesemipërmërgimtarët”, nënvizoi Shabani.
/(INA)
