Kalimi në kufij pa teste dhe vetizolim!?

Qeveria po shqyrton nëse do të ketë kufizime për hyrje në vend. Sipas informacioneve të Alsat, një nga opsionet që do të gjenden në seancën e qeverisë të planifikuar për këtë pasdite është heqja e të gjitha kufizimeve dhe parakushteve për hyrje në Maqedoni. Kjo do të thotë që mund të hyhet pa test PCR dhe pa shkuar 14 ditë në vetizolim.

Ky është propozim i Shtabit të Krizës, dhe jo Komisionit për Sëmundje Infektive. Nga atje, i kanë thënë Qeverisë që të vendosë për kufijtë, por mjekët mbeten të mendimit se të gjitha parakushtet e deritanishme duhet të mbeten. Aktualisht, për të hyrë në vend, detyrimisht duhet të bëhet test për virusin korona përmes brisit nga hunda dhe fyti, i cili nuk duhet të jetë më i vjetër se 72 orë.

Përveç kësaj, personi drejtohet në një karantine dy-javore. Përndryshe, Qeveria në seancën e mbrëmshme ka lehtësuar tashmë masa të tjera. Lejoi transportin e organizuar në rajonin e Pollogut.

Është rikthyer gjendja e rregullt e transportit të organizuar të udhëtarëve nga dhe në zonën e komunës së Tetovës dhe nga komunat Tearcë, Bogovinjë, Zhelinë, Vrapçishtë, Gostivar, Jegunovcë, Bërvenicë, Mavrovë-Rostushë dhe qyteti i Shkupit.

Qeveria ka miratuar gjithashtu protokolle për hapjen dhe funksionimin e kazinove, si dhe për organizatorët e lojërave të fatit.

/alsatm