Blerim Ahmedi nga Kërçova : Vajza ime përfundoi në spital nga maltretimi prej policisë (Foto)

Kërçova aktuale

Blerim Ahmedi, vellau i Sheqerim Ahmedit-El Cheka, është lajmëruar mbrëmë në redaksinë tonë dhe është ankuar se policia e ka ndalur në Kërçovë. Siç ka deklaruar ai, policia e kanë ndalur pa ndonjë pretekst dhe është duke e maltretuar atë dhe vajzën e vogël trevjeçare.

“Nga maltretimi dhe traumat vajza ime përfundoi në spital, ku i dhan një udhëzim që sot ta dërgoj te psikologu. Krejt kjo nga sjellja çnjerëzore e një polici shqiptar në Kërçovë. Ai më ndali me veturë dhe me ton kërcënues më tha a të kam thënë të mos shkruash keq për BDI-në. Sot prap ke shkruar. I thash vetëm më lejo ta dergoj vajzen në shtëpi dhe do të kthehem të meremi vesh.

Më goditi në krah, kurse vajza filloi të qajë. Kolegu i tij maqedonas E tërhoqi kolegu i tij maqedonas kur e vërejti trishtimin e vajzës”, deklaroi Blerim Ahmedi.

Ai tha se rastin e ka paraqitur në polici dhe një patrullë tjetër i ka shoqëruar deri në spital. “I dhanë qetësues edhe vajzës edhe mua. Nga stresi kisha problem me tensionin. Vajza gjatë tërë natës përsëriste: policia e keqe, policia deshi ta gjuaj babin. Shpresoj se psikologu do ti ndihmojë ta kalojë këtë tmerr”, rrëfen Ahmedi. Nga policia e Kërçovës ende nuk kemi qëndrim lidhur me rastin.

FOTO: