Në BDI thonë se Ali Ahmeti nuk do të pranojë debat me Zijadin Selën
Kryetari i Aleancës për Shqiptarët, Zijadin Sela, e ka sfiduar kryetarin e Bashkimit Demokratik për Integrim (BDI), Ali Ahmeti që të përballen në debat televiziv para zgjedhjeve të ardhshme.
Sela e sfidoi Ahmetin për debat në emisionin e mbrëmshëm “Rruga drejt” në Alsat-M.
“Le të vjen Ali Ahmeti në debat publik dhe ta shohim idenë për kryeministrin shqiptar. Ne jemi për çdo ide e cila do ti bëjë shqiptarët më të barabartë në çdo aspekt. Marrëveshjen ta bëjmë para shqiptarëve dhe jo më thika pas shpine. E ftoj këtu në studio e të merremi vesh si burrat!””, tha Sela.
Mirëpo burime nga BDI kanë thënë sot se Ali Ahmeti nuk do të pranojë debat me Zijadin Selën.
“Lideri i BDI-së gjatë kësaj fushate kryesisht do të lexojë kumtesa nga partia, përafërsisht njësoj sikur iu drejtua kombit shqiptar për kryeministrin”, kanë njoftuar burime nga BDI.
Kjo nuk është hera e parë që Ahmeti t’i ikë debatit me Zijadin Selën.
Poashtu flitet se Ahmeti nuk do të pranojë ofertat për intervista në mediumet e pavarura, por vetëm në mediumet “që paraprakisht do të ja dërgojnë pyetjet kryetarit”.
/lajmpress
