Zvicra hap më 28 maj xhamitë dhe objektet e tjera fetare
Në mbledhjen e tij të sotme, Këshilli Federal ka vendosur që të bëjë përsëri të mundshme organizimet fetare në objektet e kultit.
Ministri i Shëndetësisë, Alain Berset, me këtë rast para gazetarëve në konferencën për media në Bernë ka thënë: “Në mëngjesin e sotëm Këshilli Federal ka vendosur për të lejuar sërish ritualet ose ceremonitë fetare, si pagëzimet, kurorëzimet, funeralet”, shkruan srf.ch.
Ky vendim vjen një javë më parë se sa ishte planifikuar, ka shtuar ministri Berset, transmeton albinfo.ch.
Shërbimet në fjalë mund të bëhen përsëri më 28 maj, në varësi të kushteve.
Pyetjes së gazetarëve nëse ka një numër maksimal të njerëzve që lejohen të marrin pjesë në një shërbim fetar, Berset i është përgjigjur: Nuk ka ndonjë kufi. Sigurisht që ekzistojnë koncepte të mbrojtjes, por ato mund të duken në secilin rast ndryshe, në varësi nga religjioni përkatës, përcjell albinfo.ch. Mbajtja e distancës është sigurisht pjesë e çdo feje.
Po kështu, në të gjitha aktivitetet fetare do të ketë një person që do të mbajë përgjegjësinë për zhvillimin e aktivitetit përkatës.
Komunitetet fetare duhet të hartojnë një listë që do të respektohej për praninë e besimtarëve në objektet e kultit.
/albinfo
