Rritet numri i të shëruarve nga koronavirusi në Zvicër

Të dhënat e fundit tregojnë se numri i të shëruarve në Zvicër është rritur dukshëm në këto ditët e fundit.

Deri më tani është bërë testimi i 343,359 personave nën dyshimin se mund të jenë të prekur nga koronavirusi.

Informacionet e fundit tregojnë se deri tani ka pasur 30,587 raste të konfirmuara, sipas raporteve nga kantonet – ndërsa 27,500 njerëz janë konfirmuar se janë shëruar plotësisht nga virusi, shkruan albinfo.ch.

Sipas autoriteteve shëndetësore zvicerane, thuhet se nga numri i përgjithshëm i të prekurve nga koronavirusi, çdo ditë e më shumë po rritet dukshëm, tani mbi 25 mijë persona janë shëruar plotësisht në Zvicër, shkruajnë mediat zvicrane.

Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi.

Nga ana tjetër, Zvicra është renditur në listen e 11-të në vendet më të sigurta në botë kundër koronavirusit, ndërsa sa i përket Evropës, ky shtet zë vendin e dytë, shkruan albinfo.ch.