Virologu më i njohur gjerman me apel: Ndaloni më përhapjen e rrenave për koronavirusin

Virologu më me ndikim gjerman, Kristijan Drosten përmes një letre publike i ka bërë thirrje kompanive fesjbuk dhe google që të ndalojnë siç shkruan gënjeshtrat për koronavirusin.

Drosten bashkë me disa kolegë të tij të njohur virolog janë pjesë e kësaj letre publike.

“Për shpëtimin e jetëve dhe kthimin e besimit tek shëndetësia bazuar në njohuri shkencore, është e domosdoshme që gjigantët e teknologjisë që të ndalojnë përhapjen e gënjestrave, informacioneve të shtrembëruara dhe fantazitë, që të gjithë neve na çojnë drejt rrezikut”, shkruajnë virologët e njohur, duke aluduar dhe përmendur kompanitë më të njohura të rrjeteve sociale dhe kërkuesve të tjerë.

Letra është përcjellë nga portali gjerman merkur.de, por edhe në media tjera prestigjioze botërore. Më tej nënvizohet se lajmet e rrejshme janë pjesë e problemit global, pasi që në rrjetet sociale po lavdërohen ilaçe të rrejshme dhe ka shpallje që njerëzit të shkëputen nga vaksinat dhe terapitë efektive.

Ne letër thuhet se kompanitë teknologjike nuk po bëjnë përpjekje të mjaftueshmë për të parandaluar këtë. Andaj virologët e nënshkruar në letër kanë kërkesa që këto kompani të parandalojnë lajmet e rrejshme të lidhura me shëndetësinë, tekset e rrejshme që janë të qasshme për miliona njerëz.

Faqeve që japin lajme të tilla shëndetësore të mos u jepet qasje. Por pas kësaj letre, kompania Fejsbuk ka reaguar duke theksuar se ata kanë ndërmarrë masa agresive kundër lajmeve të rrejshme për kovid19 dhe se deri tani kanë nënvizuar miliona informacione të rrejshme dhe kanë hequr mijëra përmbajtje të tilla.

/(INA)