Kërçovë qytetarët më meritorët që nuk kemi rast aktiv të koronavirusit

Në dymbëdhjetë qytete në të gjithë vendin, në të cilat në periudhën e kaluar kishte të infektuar me koronavirus, statistika e djeshme tregon se atje nuk ka më të infektuar aktiv. Midis tyre është qyteti i Kërçovës, i cili nuk ka raste aktive të të infektuarve me koronavirus. Drejtori i Qendrës Shëndetësore, Xhabir Bajrami dhe drejtori i Spitalit të Përgjithshëm, Stanko Tërpeski thonë se për këtë situatë në këtë komunë qytetarët janë më përgjegjës, por edhe institucionet shëndetësore dhe masat e marra.

“Është fakt që deri më tani në Kërçovë nuk kemi rast aktiv me të infektuar nga koronavirusi dhe nuk kemi pasur de fakto, nëse përjashtohem ato dy raste që ishin nga Kërçova, por nuk kishin asnjë kontakt me popullatën rezidente, u kthyen nga jashtë dhe u vendosën direkt në karantinë dhe për fat të mirë, ata tashmë janë rikuperuar”, theksoi Bajrami.

Ai theksoi se për këtë situatë merita u takon qytetarëve të Komunës së Kërçovës, të cilët ishin të disiplinuar, duke iu përmbajtur rekomandimeve të institucioneve kompetente. Sigurisht, edhe ne si institucione mjekësore, së bashku me drejtorin e Spitalit të Përgjithshëm, Dr. Stanko Tërpeski, i kemi marrë të gjitha masat e nevojshme për t’u ballafaquar sa më mirë me pacientët e mundshëm në institucionet tona.

Një nga masat ishte caktimi i një hapësire të veçantë për marrjen e strishove për pacientët me simptoma, pasi e gjithë popullata nuk u skanua, por për fat të mirë ata me indikacione nuk ishin shumë rreth 40 pacientë, por rezultatet e tyre ishin negative”, tha Bajrami. Më duhet t’i dërgoj fjalë lavdërimi drejtorit të Institutit të Shëndetit Publik në Manastir, brenda të cilit funksionojmë, dr. Konjanoski i cili pothuajse çdo ditë udhëtonte tek ne për konsultime sepse ne në Kërçovë nuk kemi epidemiolog, shtoi Bajrami.

Ai theksoi se Trupi Koordinues i komunës, i kryesuar nga kryetari Fatmir Dehari, i mori të gjitha masat e nevojshme, siç është dezinfektimi i institucioneve publike, pastaj dy herë në ditë larja dhe dezinfektimi i rrugëve në qytetin e Kërçovës.

/lajmpress