Spanjë, gruaja 113 vjeçe mposht koronavirusin

Një grua 113 vjeçare në provincën verilindore spanjolle të Gironas është shëruar pasi ishte prekur nga koronavirusi i ri (COVID-19) , i cili ka marrë mijëra jetë në të gjithë botën.

Mediat lokale raportuan të hënën se Maria Branyas, personi më i vjetër në Spanjë, mundi virusin pasi e luftoi atë për disa javë.

Pas testimit pozitiv, Branyas u karantinua në një dhomë në shtëpinë e saj të pleqve dhe më vonë u testua negative.

Dy persona tjerë në shtëpinë e pleqve vdiqën nga sëmundja.

Për më tepër, kur ishte fëmijë, ajo mposhti gripin spanjoll, i cili shkaktoi pandeminë më vdekjeprurëse të shekullit të 20-të nga viti 1918-1920.

Grupi Kërkimor i Gerontologjisë, një grup global i studiuesve, pretendojnë se sipas të dhënave të disponueshme, Branyas është personi më i vjetër në botë që ka mposhtur COVID-19.

Sipas mjekëve, personat e moshuar me gjendje kronike mjekësore janë në grupin më të lartë të rrezikut dhe shpesh herë nuk janë në gjendje të shërohen nga COVID-19.

Spanja aktualisht ka 227.436 raste të koronavirusit, ndërsa numri i vdekjeve nga virusi është 26.744. Gjithsej 137.139 pacientë janë liruar nga spitalet pas shërimit nga virusi.

/AA