Koronavirusi do të përcaktojë fatin e zgjedhjeve (VIDEO)

Ministri i Shëndetësisë, Venko Filipçe thotë se është herët për të diskutuar për zgjedhjet në komisionin për shëndetësi. Në mbledhjen e nesërme të komisionit ai tha se do të diskutohet vetëm për orën policore gjatë fundjavës, ndërsa të shtunën do të bëhen vlerësime për ditët e javës së ardhshme. Vendimet për të ardhmen ku bëjnë pjesë edhe zgjedhjet do të merren në bazë të shifrave në teren.

Venko Filipçe
“Të shtunën do të analizohen rastet, që të rekomandojmë se çfarë masa të zbutjes mund të vlejnë nga java e ardhshme. Pra në mbledhjen e nesërme, diskutimi për kohëzgjatjen e orës policore për kohën e vikendit, ndërsa të shtunën do të diskutohet për atë se çfarë dhe në çfarë mënyre duhet të bëhen zbutjet e masave. Në asnjë moment në mbledhjen e komisionit nuk diskutohet për procesin zgjedhorë, pasiqë vërtetë i analizojmë të dhënat çdo ditë dhe ja sot kemi shembull konkret, kur themi konkretisht se nesër rekomandimet për masat e reja për organizim të vikendit mund ta themi kue të kemi një ose më shumë ditë për analizë të rasteve”
Kryetari i VMRO-DPMNE-së opozitare, Hristijan Mickoski, ka thënë se nuk mund të merret asnjë vendim për zgjedhjet pa u bërë testim skriningu masiv. Duke komentuar paralajmërimet e ministrit Filipçe për mbledhjen e nesërme, Mickoski tha se vendimet duhet të merren për të mirën e qytetarëve dhe jo në interes të partive.

Hristijan Mickoski
“Në kushte kur ja sot mora informacion se vatra e re është Velesi, nesër do të ketë mbledhje komisioni i Filipçes, që duhet të del me pozicion. Unë jam i sigurt se nëse Filipçe dhe të tjerët vendosin të veprojnë si mjek të cilët vërtetë kujdesen për shëndetin e qytetarëve nuk kam dilema se qëndrimi do të jetë ndryshe nga dëshirat e Zoran Zaevit, Radmilla Sheqerinskës dhe gjithë udhëheqësisë së LSDM-së. Por, nëse Filipçevendos të jetë shërbëtor i dëshirave të Zoran Zaevit dhe Radmilla Sheqerinskës, atëherë mund të ju them prej tani rezultatin e takimit të nesërm dhe ai është se nuk ekziston aspak rrezik dhe praktikisht gjithçka është siç duhet, se po shkëlqejmë dhe se Maqedonia është në situatë të njëjtë si para pandemisë”
Partia Alternativa, vlerëson se fillimisht duhet të mbahet llogari për shëndetin e qytetarëve dhe më pas të mendohet për zgjedhje. Skender Rexhepi Zajdi thotë se zgjedhjet mund të mbahen kur të sigurohen kushte normale për qytetarët dhe partitë, ndërsa si periudhë më të përshtatshme e shohin fundin e muajit korrik.

Skender Rexhepi Zejdi, Alternativa
“Për ne si Alternativë më e rëndësishme ishte çështja e shëndetit të qytetarëve andaj dhe u kyçëm në të gjitha instancat që në kuadër të pandemisë ti shërbejmë shëndetit të qytetarëve, megjithatë çështja e procesit zgjedhor u desht të shtyhet. Për atë arsye konsiderojmë se zgjedhjet e ardhshme duhet të jenë konform një marrëveshjes së përbashkët të gjitha subjekteve politike sepse edhe shtyrja u bë me atë marrëveshje. Kështu që gjithçka do të vendoset në takimin e ardhshëm të liderëve, ndërsa qëndrimi i Alternativës është që zgjedhjet në çdo kohë janë të mirëseardhura se ndryshimet ju duhen qytetarëve, por megjithatë koha më e përshtatshme për tu përmbush disa hapësira tjera njerëzore, konform mundësisë që të kemi një fushatë dinjitoze, të kemi një fushatë ku do të prezantohet platforma, pavarësisht se do jetë në rrethana tjera kjo fushatë, por do të duhet çdo kush të ketë çka të prezantojë. Korriku apo fundi i korrikut do të ishte më i përshtatshëm për ne, si qytetarë jo si Alternativë, pra flas si qytetar dhe si shqptar në përgjithësi”

Përveç Alternativës edhe partitë e tjera shqiptare kanë kundërshtuar mbajtjen e zgjedhjeve në muajin Qershor. Debati për mbajtjen e zgjedhjeve parlamentare u riaktivizua pas vendimit të djeshëm të Gjykatës Kushtetuese për të mos shfuqizuar shpërbërjen e Kuvendit.

VIDEO:

/shenja