Korona numri i infektimeve shkon në katër milion

Më shumë se 1.3 milion njerëz, ose 1.303.029, janë rikuperuar nga virusi COVID-19 në të gjithë botën, ndërsa numri i të infektuarve po afrohet me shifrën e katër milion – 3.820.555, raportoi portali Worldometers.

Numri i personave në gjendje kritike gjithashtu po zvogëlohet, gjegjësisht sipas të dhënave të fundit, dy përqind e numrit të përgjithshëm janë duke luftuar për jetën e tyre.

Numri më i lartë i pacientëve dhe vdekjeve është akoma në Shtetet e Bashkuara – 1,263,183 dhe 74,807, ndërsa në Evropë, Mbretëria e Bashkuar dhe Italia janë në epërsi për sa i përket numrit të vdekjeve.

Në Brazil, numri i pacientëve është në rritje, ndërsa në vendet aziatike, Kina është ende në vendin e parë për sa i përket numrit të vdekjeve dhe sëmundjeve, ku virusi së pari u shfaq dhe u përhap në të gjithë botën.

Rumania ka vendin e parë në rajon me 14.107 pacientë dhe 733 vdekje, e ndjekur nga Serbia me 9,791 dhe Greqia 2.663 raste të konfirmuara.

/shenja