Kërçovarët nga Amerika me aksion humanitar për të ndihmuar familjet skamnore në vendlindjen e tyre!
Shoqata Uskana në SHBA promovon kampanjën që t’ju dali në ndihmë familjeve në nevojë…
Në komunikatën e tyre mes tjerash në shpalljen e këtij aksioni humanitar nga shoqata e kërçovarëve “Uskana”,me seli në Chicago të SHBA-së thuhet:”Pandemia e COVID-19 na ka prekur të gjithëve, e sidomos një numër të madh të familjeve në Kërçovë.
Familjet në nevojë përpiqen të sigurojnë ushqim dhe mjete themelore për mbijetesë. Si përgjigje ndaj kësaj pandemie, Shoqata Uskana në SHBA promovon kampanjën që t’ju dali në ndihmë këtyre familjeve.
Qëllimi është të sigurohet ushqim dhe prodhime tjera elementare për afër 100 familje në nevojë. Shoqata Uskana do të dhurojë $2,000 nga fondi i saj, dhe ka grumbulluar $3,000 nga disa donatorë: Shoqata Shqiptaro Amerikane e Rokfordit, The Ramadani Team @ CrossCountry Mortgage dhe Fanatico Restaurant në Dekalb, IL.
Tani na duhet ndihma Juaj që të mbledhim edhe $5,000 të tjera që të mund t’ju ndihmojmë këtyre familjeve.
Së bashku mund të sigurojmë ndihmën e nevojshme për këta familje, prandaj Ju lutemi kijeni parasysh të bëheni pjesë e këtij aksioni fisnik”!
/tvgurra
