Mbi 190 mijë të vdekur nga COVID-19 në të gjithë botën

Numri i të vdekurve në mbarë botën nga koronavirusi i ri (COVID-19) ka tejkaluar shifrën 190 mijë, tregojnë të dhënat e Universitetit “Johns Hopkins” me qendër në SHBA.

Të dhënat e universitetit numëruan 190.303 vdekje ndërsa numri i rasteve të reja me COVID-19 ka arritur në 2.708.590 dhe janë shëruar 737.857.

SHBA vazhdon të jetë vendi më i goditur me 873.137 raste dhe gati 50.000 vdekje.

Italia radhitet e dyta për nga numri i vdekjeve me 25.549 ndërsa Spanja e dyta për nga numri i rasteve me 213.024.

Virusi është përhapur në të gjithë botën që nga shfaqja në Wuhan të Kinës dhjetorin e kaluar.

Megjithë numrin në rritje të rasteve, shumica e njerëzve që kontraktojnë koronavirusin vuajnë nga simptoma të lehta para se të shërohen plotësisht.

/lajmpress