Komuna e Kërçovës vendos sinjalizim të ri horizontal në rrugët e qytetit!

Përparësi u jepet shënimit të rrugëve që frekuentohen më së shumëti në qytet….

Në Kërçovë, po punohet intensivisht në vendosjen e një sinjalizimi të ri horizontale të trafikut në të gjitha rrugët kryesore në qytetit.

Sinjalizimi horizontal vendoset nga N.P.K. “Komunalec” nga Kërçova, dhe përparësi i jepet shënimi të rrugëve që frekuentohen më së shumëti në qytet.

-Aktivitetet për shënimin e rrugëve me linja të bardha si dhe vizëbardha, por dhe dezinfektimin e përditshëm që ne kryejmë, do të vazhdojnë pandërprerë në mënyrë që të vendosim një sinjalistikë të re në të gjitha rrugët kryesore, kemi punuar dhe gjatë fundjavës kemi shfrytëzuar momentin kur rrugët në të vërtetë janë bosh për shkak të orës policore, thotë drejtori i N.P.K. “Komunalec” Zenel Jonuzi.

Ai sqaron se instalimi i sinjalizimit horizontal të trafikut financohet nga komuna e Kërçovës.

/tvgurra