Maqedoni pesë persona të vdekur dhe 29 raste të reja me virusin korona, gjithsejt 599 të infektuar

Lajme nga Maqedonia

Ministria e Shëndetësisë e Republikës së Maqedonisë së Veriut informoi se në 24 orët e fundit, pesë persona të infektuar me virusin korona kanë ndërruar jetë, transmeton Portalb.mk.Bëhet fjalë për një pacient nga Kumanova 52 vjeçar, një paciente nga Labunishta e Strugës 65 vjeçare, një paciente nga fshati Çellopek, rrethina e Tetovës 62 vjeçare dhe një paciente nga Shtipi, 81 vjeçare.
Sipas ministrisë, edhe në Kumanovë në shtëpinë e tij, ka ndërruar jetë një pacient në moshë 53 vjeçare.

Në 24 orët e fundit, janë regjistruar 29 raste të reja të të infektuarve me virusin korona. Sipas qyteteve:
– Shkup 15
– Kumanovë 7
– Prilep 1 dhe
– Koçani 3

Me këtë numri i përgjithshëm i të infektuarve në RMV është 599 persona. Sipas qyteteve, numri i përgjithshëm i të infektuarve me virusin COVID-19 është si vijon:

Shkup – 254
Kumanovë – 128
Dibër – 49
Shtip – 20
Tetovë – 29
Prilep – 34
Strugë – 28
Veles – 10
Manastir – 6
Ohër – 3
Kavadar – 2
Gostivar – 4
Gjevgjeli – 4
Strumicë – 2
Kriva Pallankë – 3
Radovish – 4
Krushevë – 2
Koçan 17
Siç informoi ministria, brenda 24 orëve janë kryer 386 testime.