Fatmir Dehari falëminderon ekipin edukativo-arsimor.

Gjendja aktuale që ka përfëshirë tërë globin e njerëzimin, ka reflektuar edhe në vendin tonë. Gjithandej mbizotron përballja dhe kujdesi. Të varur nga kjo situatë u detyruam që edhe ne të zbatojmë rekomamdimet e Qeverisë së RMV-së për të shtuar kujdesin ndaj COVID 19 dhe për t’i ikur përhapjes së tij në popullatë, detyrimish mbyllëm shkollat dhe çerdhet në Kërçovë, ashtu siç vepruan të gjitha komunat në vend dhe jashtë kufijëve tanë.

Siç kemi punuar deri tani me përkushtim ndaj arsimit, poashtu kjo brengë e shfaqur befas na obligon që të rrisim kujdesin ndaj fëmijëve, por këtë rradhë më ndryshe. Nga ana e Ministrisë së Arsimit dhe Shkencës situata në sferën e arsimit u menaxhua shkëlqyeshëm dhe Ministri Arbër Ademi bëri thirrje që Byroja pë Zhvillim të Arsimt të hartojë planprograme mësimore të përshtatshme për gjendje të jashtzakonshme.

Përkitazi me këtë, shkollat fillore dhe të mesme të Kërçovës iu përgjigjën thirrjes që mësimi formal të vazhdojë nga distanca, duke përdorur platformat digjitale që mundësojnë zhvillim të mësimit nga largësia.

Sipas të dhënave zyrtare që i marrim në komunikim të përditshëm nga drejtorët, mësimi nga distanca zhvillohet mirë, me përjashtim të disa pengesave të vogëla të cilat do t’i shmangim së shpejti. Përkushtimi i profesorëve dhe gjithë stafit arsimor është në nivel dhe duhet përshëndetur për angazhimin e tyre në këtë gjendje të jashtzakonshme të pandemisë.
Vazhdojmë me vullnet dhe inkurajim që nxënëst të mos ngelin pas në mësime.
Falënderime pafund për drejtorët dhe ekipin edukativo-arsimor.

Shkruan Fatmir Dehari në facebook transmeton kercova.net