Fatmir Dehari dhe trupi koordinues i Komunës së Kërçovës mbajti mbledhjen e rradhës

Trupi koordinues i Komunës së Kërçovës mbajti mbledhjen e rradhës ku nga ana e Kryetarit të komunës Fatmir Dehari u prezentua Plani operativ për dezinfektimin e të gjitha rrugëve dhe rrugicave në qytetin tonë, institucionet dhe vendet publike që janë më të frekuentuara nga ana e banorëve të qytetit.

U vendos që të përforëcohen masat parandaluese nga të gjitha institucionet kompetente që janë në veprim të vazhdueshëm për ndërmarrjen e masave kundër koronavirusit.

Ekipet punuese të Spitalit, Shtëpisë së Shëndetit, Armatës së RMV, Policisë, Kryqit të Kuq, Qendrës për Udhëheje me Krizat, Qendrës për Mbrojtje dhe Shpëtim, NP “ Komunalec “, vazhdimisht do të mbulojnë qytetin dhe rajonet përreth, duke punuar dhe respektuar rekomandimet e Qeverisë së RMV.

Apelojmë te qytetarët që të respektojnë vendimet e Qeverisë së RMV, duke u nisur nga ora policore, vetizolimi, mosqëndrimi i personave në grup, si dhe të mbajtjes në nivel të higjienës individuale dhe grupore.

Njoftojmë qytetarët se deri në këto çaste në qytetin e Kërçovës gjendja është stabile.

Shkruan Fatmid Dehari në facebook duke shpalosur edhe foto nga takimi