BE-ja çel negociatat me Shkupin dhe Tiranën
Ministrat e jashtëm të shteteve anëtare të BE-së u dakorduan për fillim të negociatave për anëtarësim me Maqedoninë e Veriut dhe Shqipërinë. Në takimin e parë të realizuar online, ministrat vlerësuan se me metodologjinë e re të zgjerimit të propozuar nga Komisioni Evropian dhe me progresin e deritanishëm të Shkupit e Tiranës janë tejkaluar barrierat për fillim të negociatave për anëtarësim. Pas vendimit pozitiv në Këshillin e Ministrave mbetet që Komisioni Evropian të përgatisë kornizën negociuese për dy shtetet dhe përfundimisht institucioni më i lartë vendimmarrës, Këshilli Evropian të sjellë vendimin për fillimin e negociatave. Sekretarja shtetërore kroate, Zgombic e cila udhëhoqi takimin vlerësoi se vendimi i sotëm përcon mesazh të rëndësishëm për gjithë rajonin. Ndërkaq eurokomisioneri për zgjerim, Oliver Varhei tha se vendimi i sotëm kthen kredibilitetin e BE-së.
Përmes video konferencës së sotme arritëm marrëveshje politike për të filluar negociatat për anëtarësim me Maqedoninë e Veriut dhe Shqipërinë. Siç e dini të gjitha takimet janë anuluar, nga pamundësia e ministrave për të udhëtuar, por me propozim të presidencës kroate, arritëm t’i modifikojmë procedurat- deklaroi Andreja Metelko Zgombic, Sekretare shtetërore
Jemi gati për vendime strategjike edhe në rrethana të vështira. Uroj dy shtetet, për të cilat shtetet anëtare u morën vesh të fillojnë negociatat. Pas zhgënjimit të tetorit për fillim të negociatave, këto dy shtetete arritën ta tejkalojnë dëshpërimin dhe të vazhdojnë të punojnë. Me këtë kemi kthyer kredibilitetin jo vetëm Ballkanin Perëndimor por edhe për shtetet anëtare. Marrëveshja e Prespës dhe Marrëveshja me Bullgarinë janë shembuj për gjithë rajonin- deklaroi Oliver Varhelyi, Eurokomesar për Zgjerim.
Kryeministri teknik, Oliver Spasovski tha se me vendimin e sotëm BE-ja përmirëson gabimin e tetorit të kaluar.
Është rezultat i vendimeve të vështira të qeverisë për zgjidhje të kontesteve shumëvjeçare me Bullgarinë dhe Greqinë. Pa marrëveshjen me Greqinë dhe pa atë me Bullgarinë. Ky sukses është fundi i pritjes sonë 15 vjecare që kur e morën statusin e shtetit kandidat. Mund të jemi krenar sepse mori fund pritja. Reformat e suksesshme e hoqën barrierën. Rruga është e hapur dhe drejtimi i vetëm është vetëm përpara. Arritëm në pikë nga ku në mënyrë kristale shihet se perspektiva jonë është në BE. Është pikë nga e cila nuk ka kthim mbrapa- pohoe Oliver Spasovski, Kryeministër teknik.
Pas sinjalit të sotëm pozitiv, autoritetet zotohen se do të fillojnë menjëherë me organizimin e grupeve negociuese, të cilat veçmë janë themeluar në Qeveri në bazë të metodologjisë së re.
/lajmpress
