Koronavirusi, ushtria del në rrugë bashkë me policinë

Qeveria solli vendim për orë policore në interval kohore nga ora 21 e mbrëmjes deri në ora 6 të mëngjesit. Për këtë dhe në bazë të gjendjes së jashtëzakonshme në shtet, automatikisht Armata do të kyçet drejtpërdrejtë në mbështetjen e të gjitha institucioneve për përballje me këtë situatë. Kështu bëri të ditur ministrja e Mbrojtjes Radmilla Shekerinska.

Ajo më tej njoftoi se është formuar shtab operativ mes policisë dhe ushtrisë dhe në të janë definuar në mënyrë shumë precize mënyrat se si ushtria do t’i ndihmojë policin.

“Fokusin kryesor në periudhën në vazhdim do ta vendosim në 3 detyra. E para do të jetë ndërmarrja e plotësishme e kontrollit të vijës kufitare nga ana e strukturës tonë policore. Ushtria do të ketë mbikëqyrje për të ndaluar hyrjet dhe daljet jolegale. Kjo do të bëjë që policia, një pjesë të forcave të tyre të mund ti tërheq nga kufijtë dhe të koncentrohet në detyrat brenda shtetit. Detyra e dytë, do të jetë pjesëmarrje e përbashkët në ekipet mobile, polici – ushtri, të cilët do të mund të bëjnë kontrolle në hyrje-daljet e të gjitha vendbanimeve, sidomos në zonat e krizës. Ata do të bëjnë edhe kontrolle për respektim të orës policore, të vetizolimit. Detyra e tretë, është të sigurojë objektet vitale që deri tani janë siguruar nga MPB, si psh Kuvendin, Qeverinë, si dhe burgjet tona”.

Nga orët policore, siç deklaroi Shekerinska përjashtim do të bëjnë edhe gazetarët dhe punonjësit në media. Për mënyrën se si do të veprohet, ajo tha se ata do të informohen në mënyrë shtesë.

/shenja