Ka shkuar në Kërçovë në vend se të izlohet !

Prokuroria në Resnjë ka ngritur aktakuzë ndaj dy personave pas ngritjes së padisë penale nga policia për mosveprim sipas rekomandimeve shëndetësore në kohë epidemie.

Një grua e cila më 17 mars është kthyer nga Sllovenia, në vend se në izolim shtëpiak, ka shkuar te një mikesha e saj në Kërçovë.

Është kthyer kur ka marrë thirrje nga policia. Ajo do duhet të paguajë 100 gjoba ditore me nga 20 euro. Në rastin e dytë, bëhet fjalë për një banorë të Resnjës i cili më 16 mars është kthyer nga Holanda, ndërsa dy ditë më vonë policia nuk e ka gjetur në shtëpinë e tij.

Ai duhet të paguajë 100 gjoba ditore me nga 30 euro. Padi është ngritur edhe kundër një banori të Strugës i cili është kthyer me kamion nga Danimarka, por në vend se në shtëpi, ai ka shkuar në Shqipëri dhe përsëri është kthyer.

Prokuroria e Strugës kërkon që ai të paguajë 100 gjoba ditore me nga 40 euro. Policia ka ngritur edhe kallëzime penale kundër dy kumanovarëve për mosrespektim të masës së izolimit.

/alsatm