Gjashtë raste të reja me koronavirus në Maqedoninë e Veriut, në mesin e tyre një vajzë katër vjeçare

Ministri i shëndetësisë Venko FIlipçe ka njoftuar se gjashtë persona të tjerë kanë rezultuar pozitiv në testimet për koronavirus, raporton SHENJA.

Ai tha se bëhet fjalë për një vajzë katër vjeçare nga Shtipi e cila është infektuar në një çerdhe në Angli.

Familja është kthyer më 14 mars dhe ka qenë në izolim shtëpiak.

Në testim janë paraqitur mbrëmë, dy ditë pasi vajza ka ndjerë simptomat e para.

Në Dibër janë regjistruar tre raste të reja të koronavirusit, testet janë bërë në kuadër të skriningut.

Edhe në Gostivar është konfirmuar rasti i parë i koronavirusit.

Bëhet fjalë për një grua e kthyer nga Zvicra, e cila ka qenë në izolim shtëpiak.

Për momentin janë duke u testuar 35 persona.

/SHENJA/