Vjosa Osmani përkrah Albin Kurtin, e jo Isa Mustafën e Agim Veliun
Gazeta Blic nga burime të saja merr vesh se kryetarja e Kuvendit, Vjosa Osmani dhe ministri Lumir Abdixhiku ishin kundër procedimit të mocionit ndaj qeverisë.“Vjosa Osmani e Lumir Abdixhiku ishin kundër procedimit të mocioni”, thonë burimet e Gazeta Blic.Sipas këtyre burimeve, kryetarja e Kuvendit nuk u pajtua me mocionin e kërkuar nga anëtarët e kryesisë së LDK-së për rrëzimin e Qeverisë Kurti dhe votoi kundër.
Abdixhiku ndërkaq, nuk mori pjesë në votim, edhe pse kundërshtoi procedimin e mocionit ndaj Qeverisë Kurti.Ai poashtu është deklaruar kundër ndonjë koalicioni të mundshëm me PDK-në.
Gazeta Blic ka provuar që të kontaktoj me ta, por asnjëri nuk është lajmëruar në thirrjet e redaksisë.
Ndërsa, Kryetari i LDK-së, Isa Mustafa, pas mbledhjes së Kryesisë së kësaj partie, ka thënë se partneri i koalicionit, VV-ja, ka shkelur në disa pika marrëveshjen për bashkëqeverisje. Ka folur edhe për mospajtimet rreth taksës ndaj mallrave të Serbisë, për çka LDK-ja insiston që të hiqet plotësisht dhe pa kushte, siç po kërkon SHBA-ja.Gjatë ditës, kryeministri Albin Kurti liroi nga pozita e ministrit Veliun, me arsyetimin se gjatë një interviste të mbrëmshme ka shpërndarë panik në kohën kur vendi po përballet me koronavirusin.
LDK-ja dhe Vetëvendosje kanë vetëm një muaj e gjysmë që janë në koalicion.
/lajmpress
